«Манчестер Юнайтед» ҳимоячиси Ҳарри Магуайр янги мавсумда ҳам клубда қоладиган бўлди.

Инсайдер Фабрицио Романонинг ёзишича, Магуайрнинг «Вест Ҳэм»га трансфери амалга ошмайдиган бўлди. Қайд этилишича, Ҳарри «Вест Ҳэм»ни ҳурмат қилади, аммо Лондон клуби билан келишув бўйича музокара ўтказмаган. Англиялик ҳимоячи «МЮ»да унга яна имконият берилишига ишонмоқда.

Аввалроқ, Магуйр 30 миллион фунт эвазига «Вест Ҳэм»га ўтишга яқин экани хабар қилинганди. Эрик тен Ҳаг ҳам ҳимоячи билан хайрлашишга тайёрлигини айтганди.