Саудия Арабистони чемпионати яна бир юлдуз футболчи билан бойиди.

«Ал-Ҳилол» клуби «ПСЖ» ҳужумчиси Неймар Саудия Арабистони чемпионатига кўчиб ўтганини расман эълон қилди.

Аввалроқ, бразилиялик футболчи ва «Ал-Ҳилол» раҳбарияти 2 йиллик шартнома масаласида келишувга эришгани, унга кўра, Неймар Ар-Риёд клубида 2 йил учун 160 миллион евро маош олиши хабар қилинганди. «Ал-Ҳилол» клуби Неймар трансфери учун «ПСЖ» ҳисоб рақамига бонуслар билан ҳисоблаганда қарийб 120 миллион евро ўтказади. Бу трансфер клуб учун рекорд нарх.

🎬 “O talento maravilhoso… que atrai a atenção de todos” @neymarjr 💙#نيمار_هلالي #الهلال pic.twitter.com/TTzADrVGJJ

— نادي الهلال السعودي (@Alhilal_FC) August 15, 2023

Маълумот учун, Неймар ўтган мавсум Франция чемпионатида 20 ўйинда 13та гол ва 11та ассист қайд этганди. У Париж клубига 2017 йил рекорд – 222 млн евро эвазига «Барселона»дан келиб қўшилганди.