Диего Коста Бразилия чемпионатига қайтди.

Испания миллий жамоасининг 34 ёшли собиқ ҳужумчиси «Ботафого» аъзосига айланди. Коста Рио-де-Жанейро клуби билан 2023 йилнинг 31 декабрь кунига қадар шартнома имзолади. 

Диего ўтган мавсум якунида «Вулверҳэмптон» сафини эркин агент сифатида тарк этгач, Европа клубларидан таклиф олмагач, океан ортига йўл олган.

У бунга қадар «Атлетико Минейро» клуби шарафини ҳимоя қилганди.