Лукас Пакета «Манчестер Сити» билан шартнома масаласида келишувга эришди.

Журналист Муҳаммад Бухафси хабарига кўра, бразилиялик футболчи «шаҳарликлар» билан 6 йиллик шартнома бўйича келишувга эришган. Қайд этилишича, «Вест Ҳэм» ўйинчиси Пеп Гвардиола билан гаплашгач, «Сити»га ўтишга қарор қилган.

«Манчестер Сити» Пакета учун Лондон клубига 85+10 миллион фунт таклиф қилмоқда. «Вест Ҳэм» эса 110 миллион фунт сўрамоқда. Музокаралар давом этмоқда.

Маълумот учун, Лукас бир йил аввал «Лион»дан 43+17 млн евро эвазига АПЛга кўчиб ўтганди. У 28 ўйинда 4та гол ва 3та ассист қайд этган.