Лапорта Гулернинг трансфери амалга ошмагани сабабини айтди

Жоан Лапорта Арда Гулернинг «Барселона» эмас, «Реал»ни танлагани сабабини маълум қилди.

«Гулернинг трансфери бўйича футболчи билан келишувимиз бор эди ва биз «Фенербаҳче»га 17,5 миллион евро тўлашга тайёр эдик. Аммо кейинчалик музокаралар давомида бошқалар қўшила бошлади, шу жумладан «Реал». Мадрид клуби туркларга биздан кўра кўпроқ таклиф қилди. Ўшанда биз аукционда иштирок этишдан маъно йўқ, деб ҳисобладик. Чунки бизда бошқа яхши ўйинчилар бор», - дейди Каталония клуби президенти Goal билан суҳбатда.

Маълумот учун, «Реал» туркиялик 18 ёшли футболчи учун 20 миллион евро тўлагани ҳақида хабар қилинганди.