«Ал-Ҳилол» Митровичга таклиф билан чиқди

«Фулҳэм» клуби ҳужумчиси Александар Митрович фаолиятини Саудия Арабистонида давом эттириши мумкин.

Сербиялик 28 ёшли форварднинг трансфери бўйича «Ал-Ҳилол» клуби Лондон жамоасига таклиф жўнатди. «Фулҳэм» асосий голеадори учун 30 млн евродан кам бўлган маблағни рад этмоқчи. Бу ҳақда инсайдер Фабрицио Романо хабар берган.

Араб клуби сербиялик яримҳимоячи Сергей Милинкович-Савич трансфери бўйича «Лацио» билан келишувга эришганидан кейин Митровичга таклиф билан чиққан. Александар АПЛ якунланган мавсумида 24 ўйинда 14та голга муаллифлик қилди.