Каземиро: «Роналду кўплаб совринларни ютишимга ёрдам берган. У, Месси ва Неймар – мен тўп сураётган даврнинг энг яхшилари»

«МЮ» яримҳимоячиси Каземиро Криштиану Роналду, Лионель Месси ва Неймарни ўзи тўп сураётган даврнинг энг яхшилари деб атади.

«Марадона ва Пеле сингари афсоналарнинг ўйинларидан баҳраманд бўла олмаганман, аммо бизнинг авлод вакиллари орасида энг яхшилари бўлган – Месси, Роналду ва Неймар ўйинидан роҳатланганман.

Бу уч футболчи – мен тўп сурган даврнинг тенгсиз ўйинчилари эканига шубҳам йўқ. Яхшиямки, Криштиануга қарши ҳеч қачон ўйнамаганман. У кўплаб совринларни ютишимга ёрдам берган», - дейди Каземиро.