«Ал-Ҳилол» Сергей Милинкович-Савич трансферини ҳал қилди

«Лацио» яримҳимоячиси Сергей Милинкович-Савич фаолиятини Саудия Арабистонида давом эттириши кутилмоқда.

Инсайдер Фабрицио Романонинг ёзишича, «Ал-Ҳилол» клуби «Лацио» билан сербиялик 28 ёшли яримҳимоячи трансфери бўйича келишувга эришган. Ар-Риёд клуби Рим жамоасига трансфер учун 40 миллион евро тўлайди.

Қайд этилишича, энди клуб ва футболчининг ўзи шартнома бўйича келишувга эришса, трансфер амалга ошади.