Европа Лигаси ва Судамерика кубоги ғолиблари ўртасида ўйин ўтказилади

Эндиликда Европа ва Жанубий Американинг иккинчи даражали кубогини қўлга киритган жамоалар Чақирув кубогида майдонга тушишади. УЕФА ва КОНМЕБОЛ бу борада келишувга эришди. 

Илк финалда Европа Лигаси ғолиби «Севилья» (Испания) Судамерика кубогида зафар қучган «Индепендьенте дель Валье» (Эквадор) билан тўқнаш келади. Беллашув 19 июл куни андалусияликлар стадиони — «Рамон Санчес Писхуан»да бўлиб ўтади.