Дибала «Ал-Ҳилол» таклифини рад этди

«Рома» ҳужумчиси Пауло Дибала Саудия Арабистони чемпионатига ўтишни истамади.

Il Messaggero хабарига кўра, «Ал-Ҳилол» клуби аргентиналик ҳужумчига катта маошли таклиф билан чиққан, Рим клубига эса футболчи учун 12 млн евро товон пули тўланишини маълум қилган. Аммо Дибала Ар-Риёд раҳбарияти таклифини рад этиб, Римда қолишини билдирган. Паулонинг «Рома»даги йиллик маоши 6 млн еврони ташкил этади.

29 ёшли аргентиналик ҳужумчи ўтган мавсум А Сериядаги 25 ўйинда 12та гол ва 6та ассистга муаллифлик қилган.