Даниэль Фарке – «Лидс» бош мураббийи

Англиянинг «Лидс» клуби Даниэль Фарке жамоанинг янги устозига айланганини эълон қилди. 

Лидсликлар германиялик 46 ёшли мутахассис билан 2027 йилга қадар шартнома имзолашди. Фарке жамоа АПЛдан Чемпионшипга тушиб кетганидан сўнг клубни тарк этган Сэм Эллардайс ўрнини эгаллади.

Немис мураббийи 2 июнь куни «Боруссия» Мёнхенгладбах билан хайрлашганди. Унинг бошқарувида клуб Бундеслигани 10-ўринда якунлаган эди.