«Барселона» Иньиго Мартинес билан шартнома имзолади

Испания миллий жамоаси аъзоси Иньиго Мартинес «Барселона» футболчисига айланди.

«Атлетик» Бильбао ва «Реал Сосьедад» собиқ ўйинчиси Каталония клуби билан шартнома имзолаган. У бугун, 4 июль куни янги жамоасида фотосессияда қатнашди. Клуб тез орада трансфер ҳақида эълон қилиши кутилмоқда. 

32 ёшли ҳимоячи якунланган мавсумда «Атлетик» сафида Ла Лигада 15 ўйинда битта голга муаллифлик қилган.